Author Archives: Humoyun Rustamov

Joriy yilning 21-noyabr kuni Geologiya fanlari universitetining «GIDROINGEO instituti» DM va Chexiya Respublikasi Geotest a.s. bilan olib borilayotgan o’zaro hamkorlik ishlari doirasida Geotest a.s. mutaxassisi, DSc, professor Pavel Blaha «Chexiya Respublikasi ilmiy-tadqiqotlardagi birinchi tajribalar va yer osti qurilish ishlarida geofizik usullar» mavzusida master-klass tashkil etildi.

Tadbirni Geologiya fanlari universiteti o’quv ishlari bo’yicha prorektori R.Xalmatov ochib berdi va «GIDROINGEO instituti» DM ning Chexiya Respublikasi Geotest a.s. bilan muhandis-geofizik sohasida uzoq yillardan buyon ikki tomonlama hamkorlikda bajarilayotgan samarali ishlari xususida to’xtalib o’tdi. Shuningdek, Chexiya Respublikasining O’zbekistondagi elchisi Vaslav Yilek ham o’zarо hamkorlik munosabatlari to’g’risidа nutq so’zladi.

Tadbirda Chexiya Respublikasining O’zbekistondagi elchisi, Innovatsion rivojlanish vazirligi qoshidagi Yuqori texnologiyalar markazi mutaxassisi va Davlat geologiya qo’mitasi tizimosti korxonalari soha mutaxassislari hamda Geologiya fanlari universiteti talabalari ishtirok etishdi.

Joriy yilning 20-oktyabr kuni Geologiya fanlari universitetining «GIDROINGEO instituti» DMda «Ona tili – bu millatning ruhidir» mavzusidagi ma’naviy-ma’rifiy tadbir tashkil etildi.

Tadbirni institut direktori Q.Mingboyev ochib berdi va o’z nutqida mamlakatimizda amalga oshirilayotgan keng ko‘lamli islohotlar jarayonida davlat tilining hayotimizdagi o‘rni va nufuzi tobora oshib borayotganligi, uni chuqur bilish masalasiga alohida e’tibor qaratilayotgani xususida to’xtalib o’tdi va institut jamoasini «O’zbek tili bayrami» bilan samimiy tabrikladi.

Tadbirga Yozuvchilar uyushmasi a’zosi, «Do’stlik» ordeni sohibasi, O’zbekiston davlat san’at va madaniyat instituti professori, Falsafa fanlari doktori, shoira – Sayyora To’ychiyeva taklif etildi. Shoira o’zbek tilining boy imkoniyatlari, serma’no jilvalari haqida ma’ruza qilib, o’zining she’rlaridan o’qib berdi.

Tadbir qatnashuvchilarda o’zgacha taassurot qoldirdi. Zero, tilni o‘rganish – yuksak ma’naviyatni shakllantirishning munosib omilidir

21 oktabr – O‘zbek tili bayrami kuni munosabati ushbu bayramni keng nishonlash choralari ko‘rilib, barcha davlat korxona va tashkilotlarida tantanali tadbirlar bo‘lib o‘tmoqda.
Davlat geologiya qo‘mitasi katta majlislar zalida O‘zbek Milliy akademik drama teatrining aktyorlari, O‘zbekiston xalq artistlari Erkin Komilov va Gavhar Zokirovalar bilan suhbat o‘tkazildi. Ona tilimizning bor go‘zalligi va jozibasini to‘la namoyon etilgan sheʼr va asarlardan parchalar ijro etdilar, o‘zbek tilining nafosati va jozibasi xususida atroflicha so‘z yuritdilar.

Joriy yilning 10-16-oktyabr kunlari «GIDROINGEO instituti» DM yosh mutaxassislari «Geologiya tarmog’i xodimlari malakasini oshirish va qayta tayyorlash instituti» da «Geologiya qidiruv ishlarining loyiha-smeta hujjatlarini tayyorlash» bo’yicha master-klass kurslarida ishtirok etishdi.

Yakuniy imtihonni muvaffaqiyatli topshirgan mutaxassislar tegishli «Guvohnoma» ga ega bo’ldilar.

Davlat geologiya qo’mitasi ijtimoiy sahifalari obunachilari, ommaviy axborot vositalari vakillari, jurnalistlar va Blogerlar hamda tanlov shartlariga javob beradigan fuqarolar o’rtasida o’tkaziladi.

Tanlovga 2022-yil 4- oktyabrda 30-noyabrga qadar soat 18:00 gacha quyidagi manzil orqali ro’yhatdan o’tish va materiallarni taqdim etish so’raladi.