8-dekabr — O‘zbekiston Respublikasi Konstitutsiyasi qabul qilingan kun!
Bugun adolat va tenglik ramzi, erkin va farovon hayotimiz garovi bo‘lgan Oliy Qomusimiz qabul qilinganiga 30 yil to‘ldi. Konstitutsiyamiz xalqimizning ko‘p yillik tarixi, tafakkuri naqsh solgan ishonchli hayotimiz solnomasi, inson huquqlarining kafolati demakdir.
«GIDROINGEO instituti» DM jamoasi sana munosabati bilan yurtdoshlarimizni samimiy muborakbod etadi.
Yurtimiz tinchligi va taraqqiyoti barqaror bo‘lsin!
O‘zbekiston Respublikasi Konstitutsiyasi qabul qilinganining 30 yilligi munosabati bilan, shuningdek, mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, ma’naviy salohiyatini yuksaltirishga munosib hissa qo‘shib kelayotgan yurtdoshlarimizni taqdirlash maqsadida “O‘zbekiston Respublikasi Konstitutsiyasining 30 yilligi” esdalik nishoni bilan Geologiya fanlari universitetining «GIDROINGEO instituti» DM Ilmiy ishlar va innovatsiyalar bo’yicha direktor o’rinbosari F.Oxunov taqdirlandi.
Konstitutsiya qabul qilingan kun munosabati bilan o‘tkazilgan tadbirda “O‘zbekiston Konstitutsiyasining 30 yilligi” esdalik nishoni Davlat geologiya qo’mitasi raisi B.Islamov tomonidan tantanali ravishda topshirildi.
«Transchegaraviy suv qatlamlarini va yer osti suv resurslarini boshqarish» (GGRETA) loyihasi mavzusida Davlat geologiya qo’mitasi, Qozog’iston Respublikasi ekologiya, geologiya va tabiiy resurslar vazirligi geologiya qo’mitasi, YUNESKOning Olmaota shahridagi кlaster byurosi departamenti, O’zbekiston Respublikasi Vazirlar Mahkamasi huzuridagi YUNESKO ishlari komissiyasi hamda «GIDROINGEO instituti» DM mutasaddilari va loyihaga mas’ul mutaxassislar ishtirokida uchrashuv bo’lib o’tdi.
Hamkorlik uchrashuvida loyiha doirasida olib borilgan ishlar tahlil qilindi hamda kelgusida mazkur yo’nalish bo’yicha tadqiqotlarni davom ettirish yuzasidan tayyorlangan «Yo’l xaritasi» kelishib olindi.
«GIDROINGEO instituti» DM mutaxassislari «Geologiya tarmog‘i xodimlari malakasini oshirish va qayta tayyorlash instituti» da
Joriy yilning 3- 29-oktyabr kunlari Geologiya fanlari universitetining «GIDROINGEO instituti» DM mutaxassislari «Geologiya tarmog‘i xodimlari malakasini oshirish va qayta tayyorlash instituti» da «O‘zbek-lotin alifbosini o‘rganish va davlat tilida ish yuritish» yo‘nalishi bo‘yicha malaka oshirish kursida ishtirok etishdi.
Kurs yakunida mazkur yo’nalishni o’zlashtirgan tinglovchilar «Guvohnoma» ga ega bo’ldilar