Joriy yilning 30-noyabr kuni Davlat geologiya qo’mitasida Rais o’rinbosari A.Qadirxodjaev, «Gidrogeologiya, muxandislik geologiyasi va geoekologiya» bo’limi boshlig’i R.Begmatov, Qozog’iston Respublikasi ekologiya, geologiya va tabiiy resurslar vazirligi geologiya qo’mitasi rais o’rinbosari E.Galiyev, boshqarma boshlig’i Ch.Yesengiyev, YUNESKOning Olmaota shahridagi Klaster byurosi departamenti boshlig’i K.Tovomosyan, loyiha koordinatori S.Atanov, O’zbekiston Respublikasi Vazirlar Mahkamasi huzuridagi YUNESKO ishlari komissiyasining ta’lim va innovatsiyalar bo’limi boshlig’i J.Mirxalikov, loyiha mintaqaviy koordinatori O.Podolniy, milliy koordinator B.Abdullayev hamda «GIDROINGEO instituti» DM direktori Q.Mingboyev va loyihaga mas’ul mutaxassislar ishtirokida uchrashuv bo’lib o’tdi.

Hamkorlik uchrashuvida «Transchegaraviy suv qatlamlarini va yer osti suv resurslarini boshqarish» (GGRETA) loyihasi doirasida olib borilgan ishlar tahlil qilindi hamda kelgusida mazkur yo’nalish bo’yicha tadqiqotlarni davom ettirish yuzasidan tayyorlangan «Yo’l xaritasi» kelishib olindi.